सरकारले लगाएको करको विषयमा काँग्रेसले शुरु गर्याे अन्तरसंवाद

0
540

काठमाडौँ, भदौ, ११ । पार्टीका तर्फबाट नगरपालिकामा विजयी नगरप्रमुख र प्रमुखसँग स्थानीय सरकारले लगाएको कर, पार्टीको घोषणा पत्र कार्यान्वयनलगायत विषयमा नेपाली काँग्रेसले अन्तरसंवाद थालेको छ ।

पार्टीको केन्द्रीय नीति तथा प्रशिक्षण प्रतिष्ठानले आज पार्टीको केन्द्रीय कार्यालयमा आयोजना गरेको कार्यक्रममा मुलुकभरबाट सहभागी नगर प्रमुख र उपप्रमुखलाई पार्टीका शीर्ष नेताका साथै विभिन्न विषयका विज्ञहरुले प्रस्तुति दिएका छन् ।

तीनै तहका सरकारले जथाभावी कर लगाएको भन्दै सर्वसाधारण आक्रोशित बनेपछि काँग्रेसले पार्टीका तर्फबाट निर्वाचित स्थानीय जनप्रतिनिधिसँग पहिलो चरणमा यो कार्यक्रम गरेको बताएको छ । स्थानीय तहको निर्वाचनमा महानगरपालिका, उपमहानगरपालिका र नगरपालिकामा काँग्रेसबाट निर्वाचित १८९ नगर प्रमुख र उपप्रमुख रहेका छन् ।

कार्यक्रमको प्रथम सत्रमा राष्ट्रिय योजना आयोगका पूर्व उपाध्यक्ष डा. शङ्कर शर्माले स्थानीय तहमा आर्थिक नीति र विकास योजना विषयमा, द्वितीय सत्रमा नेपाल बार एशोसियसनका अध्यक्ष शेरबहादुर केसीले नगरपालिकाको काम र कर्तव्य ः न्यायिक र कानूनी पक्षमा, तृतीय सत्रमा पूर्वसचिव कृष्ण ज्ञवालीले स्थानीय पार्टीसँगको समन्वय र सम्बन्धमा प्रस्तुति दिने छन् ।

उक्त कार्यक्रममा पार्टीका नेताका साथै अन्य विभिन्न क्षेत्रका विज्ञले पुरक टिप्पणी गर्ने पार्टी प्रवक्ता विश्व प्रकाश शर्माले जनाएका छन् । समापन सत्रमा काँग्रेसको तर्फबाट नगर र नगरपालिका संघको प्रतिनिधित्व गर्नेको भूमिका विषयक कार्यक्रम हुनेछ ।

LEAVE A REPLY

Please enter your comment!
Please enter your name here